काठमाडौं । हिंसात्मक आन्दोलनपछि बंगलादेशकी प्रधानमन्त्री शेख हसिना पदबाट राजीनामा दिएर भारत पुगेकी छन् । दुई महिनादेखि चलेको विद्यार्थी आन्दोलनका कारण हसिनाले १५ वर्षपछि सत्ता त्याग्नुपरेको हो ।

सुरुमा सरकारी सेवाको विशेष आरक्षणविरुद्ध सुरु भएको आन्दोलनले आइतबारदेखि हसिनाको राजीनामा मागेको थियो । पहिलो दिन नै झन्डै १०० जनाको मृत्यु भएको थियो ।

दोस्रो दिन भने प्रधानमन्त्री हसिनाले राजीनामा दिइन् । अन्तर्राष्ट्रिय सञ्चार माध्यमका अनुसार आज पनि कम्तीमा २० जनाको मृत्यु भएको छ ।

आज प्रदर्शनकारीहरू प्रधानमन्त्री निवास र संसद् भवन प्रवेश गरेका थिए ।

बंगलादेशको सेनाले अन्तरिम सरकार गठन गरिने बताएको छ । आजैमात्र सेनाले विपक्षी दलसहित अन्य राजनीतिक दलसँग छलफल गरेको छ ।

हेर्नुहोस् तस्बिरहरू

तस्बिरहरू : एएफपी र एपी ।