काठमाडौं । आगामी आर्थिक वर्षको लागि मौद्रिक नीति सार्वजनिकसँगै सेयर बजारले सकारात्मक परिणाम देखाएको छ । बिहीबारको कारोबारमा नेप्सेका सबै परिसूचकले वृद्धिको दर देखाएर नीतिको स्वागत गरेको हो ।

 

बिहीबार दिनभरीको कारोबारमा नेप्से परिसूचकमा १.६४ प्रतिशत अर्थात २७.७२ अंकको वृद्धि भएर १७१८.२५ अंक कायम भएको छ । बुधबार नेप्से १६९३ कायम थियो । यसैगरि प्राथमिकता प्राप्त सेयरहरुको समूह परिसूचकमा पनि १.४७ प्रतिशतले बढेर ३६९.०७ कायम भएको छ ।

 

समूहगत सूचकांकतर्फ बैंकिंङ १५७३.७१, होटल २०३०.७१, विकास बैंक १७७२.७५, हाइड्रो पावर २६९०.१८, वित्त ८३७.८२, विमा ८७२२.४०, उत्पादन २५८१.५२ र अन्य ८४८.२६ कायम रह्यो । यी सबै समूहमध्ये बैंकिंङ १.६८, होटल ०.५२, विकास बैंक १.६६, हाइड्रो पावर २.४३, वित्त ०.९७, विमा ०.४३, उत्पादन १.२ र अन्य ३.९३ प्रतिशतले बढेका थिए ।

 

बुधबार १४५ कम्पनीका २५ लाख ४० हजार ६५८ कित्ता सेयर ६ हजार ११९ पटक खरिद विक्री हुँदा कुल कारोबार १ अर्ब ४६ करोड ७८ लाख ५३ हजार रुपैयाँ बराबरको भएको थियो ।

 

कमाउने कम्पनीहरुमा सिद्धार्थ बैंक ८६९, ओरियन्टल होटल ५८३, पूर्णिमा विकास बैंक ५९४, जलविद्युत लगानी तथा विकास कम्पनी ४३३ र माछापुच्छे बैंक ६१९ रुपैयाँमा कारोबार भएको थियो । त्यस्तै गुमाउने कम्पनीहरुमा पोखरा फाइनान्स प्रमोटर सेयर १३८, मनास्लु विकास बैंक ५४२, सगरमाथा इन्स्योरेन्स कम्पनी २४०१ र युनियन फाइनान्स १९७ रुपैयाँ प्रति कित्तामा कारोबार भएको थियो ।

 

बढी कारोबार भएका प्रमुख कम्पनीहरुमा जलविद्युत लगानी तथा विकास कम्पनीको १६ करोड ३१ लाख, फर्सट माइक्रो फाइनान्स १३ करोड ७२ हजार, नेपाल इन्भेष्टमेन्ट बैंक ५ करोड ५६ लाख, रुरल माइक्रो फाइनान्स डिभलपमेन्ट सेन्टर ५ करोड ४७ लाख र साना किसान विकास बैंक ४ करोड ८ लाख रुपैयाँ बराबरका सेयर कारोबार भएको थियो ।

 

त्यस्तै प्रकारले कारोबारको मुख्य क्षेत्र विकास बैंक समूह, बाणिज्य बैंक समूह, विमा समूह, अन्य समूह र प्रमोटर सेयरको समूह रहेको थियो ।

 

कारोबार भएका प्रमुख सेयरहरुको मूल्य जलविद्युत लगानी तथा विकास कम्पनी ४३३, फर्सट माइक्रो फाइनान्स २०००, नेपाल इन्वेष्टमेन्ट बैंक १०४२, रुरल माइक्रो फाइनान्स डिभलपमेन्ट सेन्टर १४१० र साना किसान विकास बैंक २४९९ रुपैयाँ प्रति कित्तामा कारोबार भएको थियो ।