खेल
काठमाडौं । नेपाली राष्ट्रिय महिला भलिबल टोली र भारतको राष्ट्रिय टिमबीच मैत्रिपूर्ण दुई खेल खेल्ने भएका छन् । नेपाल भलिबल संघको आयोजनामा साउन १३ र १४ नेपालले भारतसँग मैत्रिपूर्ण खेल खेल्न लागेको हो ।
त्रिपुरेश्वरस्थीत कभर्डहलमा हुने खेलमा नेपाली महिला टोलीले चिरपरिचित प्रतिद्वन्द्वी भारतको राष्ट्रिय महिला टोलीसँग नेपालकोतर्फबाट चूनौती प्रस्तुत गर्नेछन् । नेपाल भलिबल सघंले बुधबार पत्रकार सम्मेलनको आयोजना गरी उक्त जानकारी गराएको हो । मैत्रिपूर्ण खेलका लागि लगनखेल स्थित नेपाल आर्मीको कभर्डहलमा १७ सदस्ययी खेलाडीले प्रशिक्षण गरिरहेका छन् ।
गत असार ४ गतेदेखि राष्ट्रिय टोली छनोटका लागि खेलाडीको प्रशिक्षण सुरु गरिएको नेपाल भलिबल सघंले जनाएको छ । नेपाली महिला टोलीले गत वर्ष नेपालमै आयोजना भएको दक्षिण एसियाली प्रतियोगितामा उपविजेता र भारतमा भएको दक्षिण एसियाली खेलकुद (साग)मा तेस्रो स्थानमा चित्त बुझाएको थियो ।
प्रकाशित मिति: बुधबार, असार २९, २०७३ १८:४५
प्रतिक्रिया दिनुहोस्