काठमाडौं दूरसञ्चार प्रदायक कम्पनी एनसेलले देशका सबै भूभागमा सेवा विस्तारलाई तीव्रता दिएको बताएको छ  । यो सँगै एनसेलले डाटा प्याक लगायतका सुविधालाई थप परिस्कृत बनाउने लक्ष्य लिएको बताएको छ । 

 

यसअघि उपभोक्ताका आवश्यकतालाई विशेष प्राथमिकतामा राख्दै कम्पनीले भोल्युम बेस्ड दैनिक, साप्ताहिक, मासिक लगायतका प्याकहरू प्रदान गर्दै आइरहेको थियो ।   यो योजना अन्तर्गत उपभोक्ताले ३५ रुपैयाँमा ५० एमबी भोल्युम भएको साप्ताहिक प्याक लिन सक्छन् ।  

 

त्यस्तै एनसेलको नेटवर्कमा ग्राहकहरुले प्रति एमबी शुल्क १० पैसा सम्मका रात्रिकालिन प्याकहरु पनि चलाउन सक्छन् । डाटा प्याकको अवधारणाका कारण अहिले उपभोक्ताले आफ्नो आवश्यकता अनुसार  फरक फरक प्याकहरु खरिद गरी उपयोग गरिरहेको एनसेलको दाबी छ । 

 

यसैगरी एनसेलले फेसबुक मात्र चलाउने ग्राहकहरुका लागि फेसबुक प्याकपनि उपलब्ध गराउँदै आएको छ । कम्पनीले सन् २०१३ मा प्रति एमबी ५० पैसामा यो प्याक उपलब्ध गराउन शुरु गरेको थियो । अहिले यो शुल्क घटाएर प्रति एमबी शुल्क १२ पैसाा पु¥याइएको छ ।  फेसबुक प्याक अन्र्तगतको डाटा चलाई सकेपछि ग्राहकले प्याकको समयावधि बाँकी रहुन्जेल मात्र ९९ पैसा प्रति एमबिमा फेसबुक चलाउन सक्ने कम्पनीको दाबी छ । 

 

एनसेलको डाटा सेवा मोबाईल प्रयोगकर्तामा मात्र सीमित छैन । मोबाइल बाहेक डेस्कटप कम्प्युटर र ल्यापटपमा पनि ईन्टरनेट सुविका कम्पनीले उपलब्ध गराउँदै आएको छ । कम्पनीले यस्ता उपभोक्ताका लागि युएसबी डोङ्गल मार्फत एनसेल कनेक्ट सेवा प्रदान गर्दै आइरहेको छ । 

 

यसैगरी कम्पनीले सन् २०१५देखि काठमाडौंमा २१ एमबि प्रतिसेकेन्डसम्मको उच्च गतिमा ईन्टरनेट सेवा प्रदान गरिरहेको छ । काठमाडौं लगत्तै कम्पनीले सगरमाथा क्षेत्रमा पनि २१ एमबी प्रति सेकेन्ड सम्मको उच्च गतिको डाटा सेवा संचालनमा ल्याइ सकेको छ । 

 

नेपाली उपभोक्तालाई उच्चतम सेवा उपलब्ध गराउन एनसेल सँधै तत्पर रहेको छ । समयसँगै आफ्नो प्रविधिलाई परिस्कृत गर्ने सोचका साथ एनसेलले नेपालफोरजी सेवा संचालन गर्नका लागि सरकारसँग अनुमतिपनि मागिसकेको जानकारी कम्पनीले दिएको छ । केही वर्ष अघिनै सरकारसंग अनुमति मागिएको भएतापनि सेवा सुचारु गर्नका लागि कम्पनी सरकारका तर्फबाट  सकारात्मक जवाफको प्रतिक्षामा रहेको जानकारी दिइएको छ