अर्थ व्यवसाय
काठमाडौं । सरकार परिवर्तनको समाचारसँगै बुधवार पनि सेयर बजारमा गति आउन सकेन । मंगलबार सेयर बजारमा ९.२ अंक सम्मको गिरावटलाई निरन्तरता दिँदै बुधबार बजारमा २.९ अंकको गिरावट आएको छ ।
कारोबारको समयसम्म बजारमा सेयर खरिद विक्रीले निकै उतार चढाव व्यहोर्नु परेको थियो । बैंक, विकास बैंक, हाइडो पावर, वित्त र विमा क्षेत्रको कारोबारमा गिरावट आएपछि बजारमा गति आउन सकेन । बजार घटदो अवस्थामा भए पनि मिथिला लघुवित्त, बोटलर्स नेपाल (तराई), एनआइडिसी क्यापिटल, माछापुच्छ्रे बैंक सिद्धार्थ बैंक लगायतका कम्पनीहरुको सेयर मूल्यमा भने १० प्रतिशतको वृद्धि रहेको छ ।
बुधबार दिनभरीको कारोबारमा नेप्से परिसूचकमा ०.१६ प्रतिशतको गिरावट आएर १६९०.४३ अंक कायम भएको छ । मंगलबार नेप्से १६९३.०७ कायम भएको छ । यसै गरी प्राथमिकता प्राप्त सेयरहरुको समूह परिसूचकमा पनि ०.३४ प्रतिशतले गिरावट आएर ३६३.७३ कायम भएको छ ।
समूहगत सूचकांक तर्फ बैंकिंग १५४७.६४, होटल २०२०.२६, विकास बैंक १७४३.७७, हाइडो पावर २६२६.४३, वित्त ८२९.८१, विमा ८६८४.९६, उत्पादन २५५०.८३ र अन्य ८१६.१६ कायम रह्यो । यी सबै समूहमध्ये बैंकिंग ०.२६, विकास बैंक ०.६५, हाइडो पावर ०.२५, वित्त ०.९६, विमा १.०२ प्रतिशतले घटेका थिए भने, होटल १.९७, उत्पादन १.३५ र अन्य २.७७ प्रतिशतले बढेका थिए ।
बुधबार १४३ कम्पनीका १९ लाख ६६ हजार ७०४ कित्ता सेयर ४ हजार ४४६ पटक खरिद बिक्री हुँदा कुल कारोबार १ अर्व ९ करोड ७० लाख ९१ हजार रुपैयाँ बराबरको भएको थियो ।
कमाउने कम्पनीहरुमा मिथिला लघुवित्त २७६१, बोटलर्स नेपाल (तराई) ५४८६, एनआइडिसी क्यापिटल मार्केट ७०६, माछापुच्छे बैंक ६१९, र मिशन डिभलपमेन्ट बैंक ६३२ रुपैयाँमा कारोबार भएको थियो । त्यस्तै गुमाउने कम्पनीहरुमा पोखरा फाइनान्स १५३, माउण्ट मकालु विकास बैंक १२१४, विजय लघुवित्त १८०० र जेविल्स फाइनान्स २६५ रुपैयाँ प्रति कित्तामा कारोबार भएको थियो ।
बढी कारोबार भएका प्रमुख कम्पनीहरुमा तारागाउँ रिजेन्सी होटलको १८ करोड ४९ लाख ७१ हजार, जनता बैंकको ६ करोड २७ लाख ३१ हजार, शिखर इन्स्योरेन्स ३ करोड ५० लाख ४६ हजार, एभरेष्ट बैंकको ३ करोड ४८ लाख १ हजार, र सिटिजन बैंक प्रमोटर सेयर ३ करोड १७ लाख ४८ हजार रुपैयाँ बराबरका सेयर कारोबार भएको थियो ।
त्यस्तै प्रकारले कारोबारको मुख्य क्षेत्र बाणिज्य बैंक समूहमा ३७ करोड ६० लाख ३ हजार, विमा समूहमा १९ करोड ९६ लाख २९ हजार, विकास बैंक समूहमा १६ करोड ५ लाख १५ हजार, होटलमा १८ करोड ८० लाख ४८ हजार र प्रमोटर सेयर ७ करोड ६२ लाख ८६ हजार रुपैयाँ बराबरको कारोबार भएको छ ।
कारोबार भएका प्रमुख सेयरहरुको मूल्य तारागाउँ रिजेन्सी होटलको २५६, जनता बैंकको ४४५, शिखर इन्स्योरेन्सको ३२४०, एभरेष्ट बैंकको ३३४९ र सिटिजन बैंक प्रमोटर सेयरको ३२३ रुपैयाँ प्रति कित्तामा कारोबार भएको थियो ।
प्रकाशित मिति: बुधबार, असार २९, २०७३ १६:३०
प्रतिक्रिया दिनुहोस्