काठमाडौं । प्रहरी–नागरिकको दुरी हटाउन र प्रहरीलाई नागरिक मैत्री बनाउन प्रहरी प्रधान कार्यालयले (प्रहरी मेरो साथी) नामक अभियान देशभर सुरु गरेको छ । 

 

अव प्रहरीले शहर देखि गाँउगाँउका नागरिकलाई साथी बनाउने छ, जसको माध्यामबाट प्रहरीको उपस्थिति नभएको स्थानमा हुने गरेका घटना, दुर्घटना, अपराध तथा विभिन्न नकारात्मक गतिविधि पत्ता लगाउने छ । यसका लागि प्रहरीले क्षेत्र, जिल्ला र इलाका प्रहरी कार्यालयले स्थानीयबासीलाई साथी बनाउने छ । र ति साथीहरुबाट गाँउ घरमा भएका सूचना प्राप्त गर्नेछ । 

 

प्रहरी महानिरीक्षक उपेन्द्र अर्यालले भने,“उहीलेका दिन गए, हिजोको प्रहरी हैन अव भोलीको प्रहरी हुनुपर्छ”, उनले भने, “माथीको आदेश भन्दै नियम मिच्नु पर्दैन, अव नियममा चल्ने प्रहरी हुनु पर्छ । प्रहरीले सुरु गरेको (प्रहरी मेरो साथी)लाई यसले निकै मद्धत गर्नेछ ।” 

 

सामुदायिक सम्पर्कको माध्यमबाट प्रहरीलाई नागरिक मैत्री बनाउँदै अपराध, दुर्घटना र सामाजिक विकृतिलाई नियन्त्रण गर्दै शान्ति सुरक्षा कायम गर्नु अभियानको मुख्य उद्देश्य भएको महानिरीक्षक अर्यालले बताए । 

 

अर्यालले भने, “भने समाजमा ‘प्रहरी मेरो साथी’ हो भन्ने भावना र सम्बन्धको विकास गरेर प्रहरी सगंठनका छविलाई स्वच्छ बनाउन यो अभियान थालिएको हो ।” 

 

संस्कृतिविद् एवम् नागरिक समाजका अगुवा सत्यमोहन जोशी भन्छन्, “कुनै बेला प्रहरी आयो भन्दै बालबालिकाहरुलाई तर्साउने बानी थियो । तर, अव त्यस्तो रहने प्रहरी र नागरिक नमिले समाजमा शान्ति सुरक्षा कायम हुँदैन त्यसलै पनि प्रहरी नागरिको सम्वन्ध सुधार हुन आवश्यक छ ।” 

 

प्रहरीले सुरु गरेको ‘प्रहरी मेरो साथी’ अभियानमा समाजका २० हजारभन्दा बढीले सहभागिता जनाइसकेका छन् । प्रहरीले यो अभियानलाई विद्यालय हुँदै विभिन्न क्षेत्रमा लागु गर्ने जनाएको छ ।