देश
काठमाडौं । मानव वेचविखनविरुद्धको वर्ष हिरो घोषित भएकी नेपाल प्रहरीकी एसपी किरण बज्राचार्यलाई आइतबार नेपाली कांग्रेसको भ्रातृ संगठन तरुण दल र एमाले निकट विद्यार्थी संगठन अनेरास्ववियुले सम्मान गरेको छ ।
अमेरिकाबाट पुरस्कार पाएर फर्केकी एसपी बज्रचार्यलाई तरुण दल र अनेरास्ववीयुले त्रिभुवन विमानस्थलमा सम्मान गरेको हो । तरुण दलकी केन्द्रीय सदस्य लक्ष्मी खतिवडाले नेपालमा बढ्दै गएको मानव तस्करी विरुद्ध अभियान चलाएर मानव बेचविखनमा संलग्न गिरोहलाई समात्न सफल भएकोले सम्मान गरेका बताइन् ।
अनेरास्ववियुकी अध्यक्ष लामाले पनि महिला वेचविखनविरुद्धको अभियानमा बज्राचार्यको ठुलो योगदान रहेकोले सम्मान गरेको बताइन ।
यसखालको सम्मानले मानव वेचविखनविरुद्ध काम गर्न अझ प्रोत्साहन मिलेको बज्राचार्यको भनाइ छ ।
प्रकाशित मिति: आइतबार, असार २६, २०७३ १९:०५
प्रतिक्रिया दिनुहोस्