काठमाडौं । सभामुख ओनसरी घर्तीले व्यवस्थापिका–संसद् कृषि तथा जलस्रोत समितिका नवनिर्वाचित सभापति मोहनप्रसाद बराललाई आज पद तथा गोपनीयताको शपथ गराएकी छन् । सभामुखको कार्यकक्ष सिंहदरबारमा सभापति बरालले शपथ लिएक हुन् ।
नेकपा (माओवादी केन्द्र)का सचेतक सीता नेपाली प्रस्तावक र नेकपा (एमाले)का काशीनाथ अधिकारीको समर्थनमा उम्मेदवारी दिएका बराल बिहीबार निर्विरोध सभापति पदमा चयन भएका हुन् ।
नेपाली कांग्रेसका तर्फबाट सिन्धुली क्षेत्र नं २ बाट व्यवस्थापिका–संसद्मा प्रतिनिधित्व गर्दै आएका सभापति बराल यसअघि अर्थसमितिको सदस्य थिए । सिन्धुलीको रानीवास स्थायी घर भएका बरालले २०३९ सालबाट राजनीति यात्रा आरम्भ गरेका हुन् । उनले लामो समयसम्म प्राध्यापन गरेका थिए । यसअघि साे समितिको सभापति रहेका गगनकुमार थापा स्वास्थ्य मन्त्रीभएसँगै सभापति पद रिक्त भएको थियो ।
रासस