काठमाडौं । बंलगादेशको पार्लियामेन्ट्री स्ट्यान्डिङ कमिटीका सभापति तथा पूर्वपरराष्ट्रमन्त्री डा. दिपु मुनीले प्रधानमन्त्री पुष्पकमल दाहाललाई बंगलादेश भ्रमणको निम्तो दिएकी छिन् । शुक्रबार प्रधानमन्त्री निवास बालुवाटारमा भएको भेटमा पूर्वमन्त्री मुनीले प्रधानमन्त्री दाहालाई २२ आगामी अक्टोबरमा हुने बंगलादेश अवामी लिगको राष्ट्रिय सम्मेलनमा अतिथिको रूपमा सहभागी हुन निम्तो दिएकी हुन्  ।

भेटमा प्रधानमन्त्री दाहालले नेपाल र बंगलादेशबीचको सम्बन्ध पुरानो र ऐतिहासिक रहेको भन्दै साझा मुद्दा र चुनौतीको मिलेर सामना गर्नुपर्ने धारणा राखेको प्रधानमन्त्रीको सचिवालयले जनाएको छ । नेपालले राजनीतिक संक्रमणको अन्त्य गरी आर्थिक समृद्धि र विकासको चरणमा प्रवेश गर्न लागेको जानकारी दिँदै दाहालले विकास र साझेदारीका लागि नेपाल र बंगलादेशले मिलेर काम गर्नुपर्ने बताएको सचिवालयले बताएको छ ।

भेटमा पूर्वमन्त्री मुनीले नेपाल र बंगलादेशबीचको सम्बन्ध मैत्रीपूर्ण रहेको बताउँदै आगामी दिनमा दुई देशबीचको सहकार्यलाई अझ मजबुत बनाउने प्रतिबद्धता व्यक्त गरेको प्रमको सचिवालयले उल्लेख गरेको छ ।