काठमाडौं । प्रमुख तीन राजनीतिक दलबीच भएको सहमति अनुसार इलाकालाई आधार मानेर स्थानीय निकायको पुनर्संरचनाका लागि सरकार तयार भएको छ ।

मन्त्रिपरिषदको मंगलबार बसेको बैठकले इलाकालाई आधार मानेर पुनर्संरचनामा जाने निर्णय गरेको हो ।

त्यसका लागि आवश्यक पर्ने कानुनी प्रक्रिया मिलाउने निर्णय पनि बैठकले गरेको छ । बैठकले अहिले कायम रहेका नगरपालिका यथावत राखेर पुनर्संरचना गर्ने निर्णय पनि गरेको भौतिक पुर्वाधार तथा यातायात मन्त्री रमेश लेखकले जानकारी दिए । 

त्यसैगरी बैठकले पूर्वगृहमन्त्री माधव घिमिरे चढेको गाडी दुर्घटना र मंगलबार धादिङमा भएको दुर्घटनाका बारेमा सत्य तथ्य पत्ता लगाउन नेपाल प्रहरीका पूर्व प्रहरी महानिरीक्षक कुवेर सिंह रानाको संयोजकत्वमाद ५ सदस्यीय छानविन समिति बनाउने निर्णय गरेको छ ।