घटना क्रम
काठमाडौं । अमेरिकाका राष्ट्रपति डोनाल्ड ट्रम्पले निकट भविष्यमै उत्तर कोरियाका शासक किम जोङ–उनका साथ दोस्रो शिखर बैठक हुने बताएका छन् । न्यूयोर्कमा जारी संयुक्त राष्ट्रसंघीय महासभामा दक्षिण कोरियाका राष्ट्रपति मुन जेइ–इनसँगको भेटघाटपछि ट्रम्पले पत्रकारहरुसँगको कुराकानीका क्रममा छिट्टै नै किमसँग दोस्रो शिखर बैठकको आयोजना गरिने बताएका हुन् ।
‘‘म चाँडै नै चेयरमेन किमसँग भेट गर्छु । वार्ताको समय र स्थलका बारेमा छलपलल जारी छ । हामी त्यसको घोषणा गर्नेछांै,’’ उनले पत्रकारसँग भने । दुबै नेताहरुका बीचमा यसअघि गत जुन महिनामा सिंगापुरमा पहिलो शिखर बैठक सम्पन्न भएको थियो ।
प्रकाशित मिति: बुधबार, असोज १०, २०७५ ०४:४५
प्रतिक्रिया दिनुहोस्