बीबीसी । मानिसको सबैभन्दा बफादार साथी मानिने प्राणी कुकुरका बारेमा तपाईंलाई कति जानकारी छ ? प्राणी शास्त्री एवम् मानोवैज्ञानिक जोन ब्रैडशांले मानिस र जनावरबीचको सम्बन्ध र आपसी व्यवहारको बारेमा अध्ययन गरेको बीबीसीले जनाएको छ ।
‘इन डिफेन्स अफ डग्स’ र ‘एनिमल्स एमोङ अस’ पुस्तकका लेखक समेत रहेका जोन ब्रैडशांले कुकुरको अहिलेसम्मको इतिहासको गहिरो अध्ययन गरेका छन् । उनीबाटै मानिसको सबैभन्दा बफादार र प्रिय साथी कुकुरसँग सम्बन्धित जानकारीहरु ।
१. स्यालको टाढाको वंशज
कुकुर हजारौं वर्षअघि लोप भएको स्यालको टाढाको वंशज हो । अमेरिका र युरोपमा आज पाइने स्याल कुकुरका टाढाका नातेदार हुन् । ति स्यालको डीएनए कुकुरको डीएनएसँग ९९ प्रतिशत मेल खान्छ ।
२. जात फरक भएपनि समानता
कुकुरका कयौं प्रकारका आकार र कयौं प्रकारका जात छन् । कुकुरको जाति अन्य कुनैपनि जंगली र घर पालुवा जनावरको छैन । यसका लागि पनि मानिस नै जिम्मेवार छन् । यद्यपि कुकुरको शारीरिक विविधताको पनि एक प्रकारको सीमा छ ।
सबैभनदा सानो आकारको चिवावादेखि सबैभन्दा ठूलो मानिने कुकुर ग्रेट डेनको शारीरिक संरचना उनीहरुका पुर्खा स्यालको जस्तै हुन्छ । कुकुरको आकार र जात फरक भएपनि समानता धेरै नै हुन्छ ।
३. सुँध्ने क्षमता किन तीव्र ?
कुकुरमा हुने पाइने ‘जेकबसन’ अथवा ‘वोमेरोनेजल’ नामको अंगका कारण उनीहरुको सुँध्ने क्षमता उच्च हुन्छ । जुन उनीहरुको नाक र मुखको माथिल्लो भागमा हुन्छ । वैज्ञानिकहरुले कुकुरमा यो अंग किन हुन्छ भन्ने बारेमा पत्ता भने लगाउन सकेका छैनन् । तर बिरालो र अन्य जानवरहरुमा गरिएको अध्ययनले अन्य कुकुरले छाडेको संकेतलाई पहिचान गर्न कुकुरमा यस्तो क्षमता हुने गरेको देखाएको छ ।
४. कुकुरले कस्तो देख्छ ?
कुकुरले हरियो, पहंलो, र निलो रंगमा मानिसहरुको जस्तै फरक छुट्याउन सक्छ । तर कुकुरको आँखाले रातो रंग भने ठम्म्याउन सक्दैन । कुकुरलाई रातो रंग गाढा स्लेटी देखिन्छ ।
५. कुकुरपनि मुस्कुराउँछन्
कुकुर पनि मुस्कुराउँछन् । तर त्यसको कारण मानिसले मुस्कुराउने जस्ता कारण भने हुँदैनन् । मालिकबाट थोरै माया पाउन कुकुर मुस्कुराउने गरेको प्राणी वैज्ञानिक जोन ब्रैडशांको भनाई छ ।
बीबीसीबाट