काठमाडौं । पर्यटन एक्सपो जापान (जाटा) मा नेपालले पनि सहभागिता जनाएको छ । सेप्टेम्बर २० देखि २३ सम्म टोक्यो बिगसाइईटमा एक्स्पोमा एक्स्पोमा नेपाल पर्यटन बोर्डको नेतृत्व र नेपाल एयरलाइन्सको सहयोगमा निजी क्षेत्रबाट चार पर्यटन कम्पनीहरु अराउन्ड द हिमालयज, लिबर्टी होलिडेज, होटल शम्बला र नेत्र ट्राभल्स एण्ड टुर्सको सहभागिता थियो ।
“यो प्लेटफर्म नेपालका बारेमा नयाँ जानकारी अद्यावधिक गर्न, ब्यवसायीसँग संवाद गर्न र जापानी बजारमा गन्तव्यको रुपमा नेपाललाई स्थापित गर्न सहयोगी थियो,” पर्यटन वोर्डले जारी गरेको विज्ञप्ती लेखिएको छ, “नेपाल वायुसेवा निगमले निकट भविश्यमा नै गर्न लागेको सिधा उडानको खवरले उपस्थित जापानी र पर्यटन आबद्ध सम्पूर्णमा आशाको सञ्चार गरेको थियो ।”
मुख्य रूपमा बौद्धमार्गी बढी बस्ने जापान नेपालका लागि एक स्थापित बजार मानिन्छ । नेपाललाई गौतम बुद्धको जन्मस्थानका रुपमा चिन्ने जापानीहरु काठमाडौं, लुम्बिनी, पोखरा, चितवन घुम्ने र अन्नपूर्ण वा एभरेस्ट क्षेत्रमा ट्रेकिङ गर्ने गर्छन् ।
सन् २०१७ मा नेपालमा ९ लाख ४० हजार पर्यटकले नेपाल भ्रमण गर्दा १८ हजार जापानी पर्यटक नेपाल आएका थिए । सन् २०१९को पर्यटन एक्स्पो जापानको ओशाका शहरमा अक्टोबर २४—२७ मा हुुने भएको बोर्डदे जनाएको छ ।
