बीबीसी ।  स्पेनिस ला लिगा फुटबलमा रियल मड्रिडले शीर्षस्थान कब्जा गरेको छ । आज बिहान सकिएको खेलमा स्पानियोललाई १–० ले पराजित गर्दै रियलले शीर्षस्थान ओगटेको हो । घरेलु मैदान सान्टीयागो बर्नाेबेउमा खेलको ४१ औं मिनेटमा मार्को एसेन्सीयोले गरेको एकमात्र निर्णायक गोलले रियल मड्रिडले जित निकालेको हो । घरेलु मैदान र दर्शकको साथ पाएपनि तुलनात्मक कमजोर स्पानियोलमाथि गोल गर्न रियलले ४१ औं मिनेट कुर्नुपरेको थियो । 

६५ प्रतिशत बलमा पकड जमाएको रियलले दोस्रो हाफमा गोल गर्न सकेन् र एसेन्सीयोको निर्णायक गोलले जित निकाल्यो । 

५ खेलमा १ मा बराबरी र ४ मा जित निकालेको रियल १३ अंकका साथ तालिकाको शिर्षस्थानमा छ । बार्सिलोना ४ खेलमा अपराजित रहँदै १२ अंकका साथ दोस्रो स्थानमा छ । 

लिग अन्तर्गत आज ४ खेल हुँदैछन् । पहिलो खेलमा लेभान्ते र सेभिल्ला आमनेसामने हुँदैछन् । खेल नेपाली समयअनुसार दिउसो ३ ः४५ बजे सुरु हुनेछ ।  राति ८ बजे भिल्लारियलको मैदानमा भ्यालेन्सीया भिड्दैछ । यस्तैै राती ११ः४५ बजे रियल बेटिस एथ्लेटिको बिल्वाओबिरुद्ध खेल्दा १२ ः ४५ बजे बार्सिलोना घरेलु मैदान नाउ क्याम्पमा गिरोनासँग खेल्नेछ ।