एजेन्सी । म्यान्चेस्टर सिटीका स्टाइकर सर्जियो अग्युरोले क्लबसँग एक वर्षको सम्झौता नवीकरण गरेका छन् । उनले एक वर्षको सम्झौता नविकरण गर्दै सन् २०२१ सम्ममा म्यान्चेस्टर सिटीमा रहने भएका छन् ।
सिटीका सर्वाधिक गोल कर्ता समेत रहेका अग्युरो सन् २०११ मा क्लबसँग आवद्ध भएका थिए । ३० वर्षीय अग्युरो सन् २०११ मा सिटीसँग आवद्ध हुँदा ३८ मिलीयन युरोमा आवद्ध भएका थिए ।
अर्जेन्टिनाका फरवार्ड अग्युरोेले सिटीले तीन सिजनको प्रिमियर लिग जित्दा मुख्य भूमिका निभाएका थिए । पुन सिटीसँग आवद्ध भएपछि अग्युरोले आफुलाई सिटीमा जोडिएको पहिलो दिनदेखि नै राम्रो व्यवहार गरेकामा निकै उत्साहित रहेको बताएका छन् ।
अग्युरोले सिटीका लागि २०४ गोल गरेका छन् । उनले पुन सिटीसँग आवद्ध हुनुको पछाडि सिटीसँगको यात्रा दश वर्ष पुरा गर्ने बताएका छन् ।