काठमाडौं । ग्लोबल आईएमई बैंकले नयाँ शाखारहित बैंकिङ सेवा सञ्चालनमा ल्याएको छ । बैंकले चितवनको खैरहानी नगरपालिका वडा नं. १२, कुमरोजमा आफ्नो नयाँ शाखारहित बैंकिङ सेवा सुरु गरेको हो ।
थप गरिएको शाखा रहित बैंकिङ सेवासंगै बैंकको शाखारहित बैंकिङ सेवा संख्या १ सय ३ पुगेको छ ।
कुमरोजमा खोलिएको शाखा रहित बैंकिङ सेवाको लागि स्थानीय राजेन्द्र श्रेष्ठलाई व्यवसायीक प्रतिनिधि नियुक्त गरिएको छ । यो शाखारहित बैंकिङ सेवा ग्लोबल आइएमई बैंकको टाँडी शाखा अन्तर्गत रहने बताइएको छ ।
कृषि, रेमिट्यान्स तथा पर्यटन मुख्य आयस्रोत रहेको यस क्षेत्रका बासिन्दा बैंकिङ सेवा उपभोग गर्नका लागि टाढा–टाढासम्म पुग्नुपर्ने बाध्यतालाई मध्यनजर गरी बैंकले शाखारहित बैंकिङ सेजा सुरुवात गरेको हो ।
बैंकले देशभर १ सय ३२ शाखा, १ सय ३८ एटीएम, ५ एक्सटेन्सन काउन्टर, १५ वटा राजस्व संकलन काउन्टर र १ सय ३ शाखा रहित बैंकिङ सेवा, विदेशमा ३ प्रतिनिधि–सम्र्पक कार्यालयमाफत् आफ्ना ९ लाखभन्दा बढि ग्राहकलाई बैंकिङ सेवा प्रदान गरिरहेको छ ।