बाह्रखरी
Ncell inner sticky
राजनीति प्रतिक्रिया दिनुहोस्
Jagadamba Group
Jagadamba Group
संशोधन प्रस्तावले मधेस समस्या समाधान हुन्न : शरत्सिंह भण्डारी
KNP nepal
KNP nepal
बाह्रखरी - शुक्रबार, असोज ७, २०७३
Laxmi Bank
Laxmi Bank
Duber nepal
Agani Group
काठमाडौँ । राष्ट्रिय मधेस समाजवादी पार्टीका अध्यक्ष शरत्सिंह भण्डारीले प्रधानमन्त्रीले संविधान संशोधन गर्न अघि सारेको प्रस्तावले मधेसको समस्या समाधान नहुने बताएका छन् । 
रिपोर्टर्स क्लब नेपालले शुक्रबार आयोजना गरेको साक्षात्कारमा नेता भण्डारीले विवादित पाँच जिल्लालाई थाँती राखेर प्रदेशको सीमाङ्कनबारे विवाद समाधान गर्ने प्रधानमन्त्रीको प्रस्तावले समस्या समाधान नहुने बताए । “सीमाङ्कनको समाधान नै अहिलेको मुख्य समस्या हो, यसलाई टुङ्ग्याइनुपर्छ भन्ने हाम्रो माग छ, थाँती राख्ने र आयोग बनाएर विवादित पाँच जिल्लाको समस्या समाधान गर्ने प्रस्ताव हामीलाई मान्य छैन, यसो गरियो भने पछि अरु समस्या उत्पन्न हुन्छ”– उनले भने । 
राज्य पुनःसंरचना आयोगले अघि सारेको प्रस्ताव अनुसार सामथ्र्य र पहिचानकै आधारमा प्रदेशको सीमाङ्कन हुनेमा विश्वस्त हुँदै उनले भने  “मोर्चा जातीय राज्यको पक्षमा छैन, तर पहिचान मेटिनुहुँदैन, संशोधन प्रस्ताव दर्ता गर्दा हतारिनुभन्दा पनि गम्भीरताका साथ अघि बढाउनुपर्छ । ” 
स्थानीय निकाय चुनावका लागि गाउँपालिका, नगरपालिका तथा विशेष, संरक्षित वा स्वायत्त क्षेत्रको सङ्ख्या र सिमाना निर्धारण आयोगले अघि सारेको सङ्ख्यामा समेत मोर्चाको आपत्ति रहेको उनले भने। स्थानीय निकाय प्रादेशिक संरचनाको मर्म र भावनानुसार अघि बढ्ने सङ्घीय प्रावधान भएकाले अहिलेको प्रक्रिया र आधार नै गलत रहेको उनको भनाइ छ । रासस 
 
Nepal Investment bank
Nepal Investment bank
शुक्रबार, असोज ७, २०७३ मा प्रकाशित
TATA Landing
TATA Landing
प्रतिक्रिया दिनुहोस्