राजनीति
काठमाडौं । नेकपा (क्रान्तिकारी माओवादी) का सचिवालय सदस्य तथा नेवा राज्य इन्चार्ज दिनेश शर्मासहित १३ जना कार्यकर्तालाई शुक्रबार प्रहरीले पक्राउ गरेको छ । ५ गते आफ्ना ४ जना कार्यकर्तालाई प्रहरीले पक्राउ गरेको विरोधमा शुक्रबार बिहान चक्काजाम गर्ने क्रममा सुन्धाराबाट शर्मासहित १३ कार्यकर्तालाई प्रहरीले पक्राउ गरी उनीहरुलाई नेपाल पुलिस क्लबमा राखिएको छ ।
उनीहरुले बुधबार पक्राउ परेका ४ जना नेता तथा कार्यकर्तालाई नछाडेसम्म हिरासतबाट निस्कन अस्वीकार गरेका छन् । हिरासतम रहेका सचिवालय सदस्य शर्माले प्रहरी हिरासतमा रहेका ४ जनालाई नछाडेसम्म आफूहरु हिरासतबाट बाहिर ननिस्कने बताए ।
यसैबीच, बुधबार पक्राउ परेका ४ जनाले अनामनगरस्थित प्रहरी हिरासतमै आमरण अनशन सुरु गरेका छन् । बुधबार बागबजारबाट चन्दा संकलन गरेको भन्दै प्रहरीले पक्राउ गरेका क्रान्तिकारी माओवादीका केन्द्रीय सदस्य शिवराम यादवसहित अनरास्ववियु (क्रान्तिकारी) का सहसंयोजक राम नेपाली, केन्द्रीय सदस्य महेश श्रेष्ठ र दिपेन्द्र सुनुवारले आमरण अनशन सुरु गरेका हुन् ।
माओवादीले बिनाकारण प्रहरीले अफ्ना कार्यकर्ता पक्राउ गरेको विरोधमा आइतबार उपत्यका बन्दको घोषणा गरेको छ ।
प्रकाशित मिति: शुक्रबार, असोज ७, २०७३ १८:४१
प्रतिक्रिया दिनुहोस्