एजेन्सी । विश्व चर्चित खेलाडी लियोनल मेस्सीले अर्का चर्चित खेलाडी पूर्व रियल मड्रिड स्टार क्रिष्टियानो रोनाल्डोले रियल मड्रिड छाडेर युभेन्टस गएको सुन्दा अचम्म भएको बताएका छन् । सोमबार क्याटालोनिया रेडियोसँगको अन्तर्वार्तामा मेस्सीले रोनाल्डोबारे बोलेका हुन् ।
उनले भनेका छन्,“रियल मड्रिड विश्वको एक उत्कृष्ट टिम हो । र कहीँ कहीँ मड्रिडले रोनाल्डोलाई मिस गर्नेछ । तर, युभेन्टस पनि राम्रो टिम छ ।”
रोनाल्डो जुलाईमा मात्रै स्पेनिस फुटबलको महारथि रियल मड्रिडबाट इटालियन सिरी —ए फुटबल क्लब युभेन्टसमा आवद्ध भएका थिए । उनी रियलबाट ११२ मिलियन युरोमा युभेन्टसमा आवद्ध भएका हुन् । रोनाल्डोबारे लामो समयपछि लियोनल मेस्सीले प्रतिक्रिया दिएका हुन् । रोनाल्डोले रियल छाडेर युभेन्टस गएको कुराले आफुलाई अचम्मित तुल्याएको बताएका छन् । उनले रोनाल्डोलाई धेरैले चाहन्छन् तर, रोनाल्डोले पनि राम्रो टिम छानेको बताएका छन् ।
रोनाल्डो र मेस्सीले एक अर्काविरुद्ध ९ वर्ष सम्म ला—लीगामा खेलेका थिए । भने बार्सिलोनाले सन् २०१५ को च्याम्पियन्स लिगको ट्रफी उचालेको थियो । भने अगस्टको शूरुमै मेस्सीले बार्सिलोना यो सिजनमा च्याम्पियन्स लिगको ट्रफी उचाल्ने तयारीमा रहेको बताएका थिए ।
मेस्सीले तीनवर्ष लगातार च्याम्पियन्स लिगको नकआउट चरणबाट बाहिरिनु परेपछि दुखित भएको समेत बताएका छन् । उनले बार्सिलोनाको टिम उत्कृष्ट रहेको समेत दाबी गरे । यो वर्षको च्याम्पियन्स लिगमा बार्सिलोनाको समूहमा इन्टर मिलन, टोटनहम, पीएसभी इन्डोभेन रहेका छन् ।