एजेन्सी, अमेरिकाको डल्लासमा भएको एक विरोध प्रदर्शनमा गोली प्रहार हुँदा चार प्रहरीकोे मृत्यु भएको छ भने अन्य ७ भन्दा बढी घाइते भएका छन । केही घाइतेको अवस्था गंभीर रहेको छ ।

 

काला जातिका २ जनालाई अमेरिकी प्रहरीले गोली हानी हत्या गरेको विरोधमा भएको उक्त बिरोध प्रदर्शनीमा अकस्मात माथितिरबाट चलाएको गोली लागि ती प्रहरी अधिकृतको मृत्यु भएको बीबीसीले जनाएको छ । गोली चलाएको आशंकामा एक जना संदिग्ध पक्राउ परेका छन । अर्का एकले आत्मसमर्पण गरेका छन ।

 

अमेरिकी प्रहरीको कारबाहीमा  २ जना अश्वेत नागरिकको मृत्यु भएपछि त्यहाँ विरोध प्रदर्शनहरु भइरहेका छन । मंलबार लुजियानामा र बुधबार मिनेसोटामा प्रहरीको कारवाहीमा परि उनीहरुको मृत्यु भएको थियो । 

 

रङका आधारमा प्रहरीले काला जाति माथि गोली चलाएको भन्दै डल्लासमा पनि विरोध प्रदर्शन भइरहेका बेला त्यहाँका प्रहरीमाथि आक्रमण भएको हो । प्रहरीको गोली लागी  लुजियानामा ३७ वर्षीय  एण्डिल स्टेर्लिङको मृत्यु भएको थियो भने  बुधबार  मिनेसोटामा ३२ वर्षीय फिलान्डो क्यास्टाइलको मृत्यु भएको थियो ।