विशेष
काठमाडौं ।
ओम अस्पतालमा उपचारमा रहेका नेपाली कांग्रेसका महामन्त्री शशांक कोइरालाले रातीदेखि पटक–पटक घर जान आग्रह गरेका छन् ।
उनले स्वकिय सचिव भरत तिवारीसँग रातीदेखि पटक पटक घर जान आग्रह गरेका हुन् ।
“राती १ बजेदेखि घर जाउँ भनिरहनुभएको छ,” तिवारीले बाह्रखरीसँग भने,“मैले अझै २÷४ दिन अस्पतालमा नै बस्नुपर्छ भनेर डाक्टरले भनेअनुसार भनेको छु ।”
तिवारीका अनुसार शशांकले विहान कालो चिया र जुस समेत पिए । “उहाँको स्वास्थ्यमा सुधार आएको छ,” तिवारीले भने,“विहान कालो चिया र थोरै जुस पनि पिउनुभयो ।”
कोइरालालाई भेट्न विहान सभापति शेर बहादुर देउवा पनि ओम अस्पताल पुगेका थिए ।
कोइराला सभापति देउवासँग पनि कुरा गर्न खोजेका थिए । तर देउवाले हातको इशाराले अहिले नबोल्न भनेको बताए ।
“बोल्न खोज्नुभएको थियो, मैले हातले इशारा गरेर नबोल्नु भनें,” भेटपछि देउवाले बाह्रखरीसँग भने ।
प्रकाशित मिति: शुक्रबार, असार २४, २०७३ ११:१२
प्रतिक्रिया दिनुहोस्