देश
काठमाडौं । अचानक अस्वस्थ भएपछि ओम अस्पतालमा भर्ना गरिएका कांग्रेस महामन्त्री शशांक कोइरालाको स्वास्थ्य अवस्था क्रमशः सुधारोन्मुख रहेको उपचारमा संलग्न चिकित्सकले जानकारी दिएका छन् । उपचारमा संलग्न चिकित्सकका अनुसार कोइरालालाई बुधबारको तुलनामा औषधिको मात्रा घटाइएको छ भने मुटुको चाल, श्वासप्रस्वासको अवस्था पनि सुधारउन्मुख देखिएको छ ।
“मान्छे चिन्ने, टाउको हल्लाउने गर्न थाल्नु भयो,”उपचारमा संलग्न चिकित्सकले बाह्रखरीसँग भने, “तथापि उहाँको अवस्था खतरामुक्त भने छैन ।”
अवस्थामा धेरैनै सुधार देखिए साँझसम्म भेन्टिलेटरबाट हटाउन सकिने उनले बताए । यद्यपी भेन्टिलेटरबाट निकाल्न हतार नगरिने उनको भनाइ थियो । उनले थप उपचारका लागि विदेश लानु नपर्ने बताउँदै आफूहरूसँग पर्याप्त साधन स्रोत रहेको जिकिरसमेत गरे ।
प्रकाशित मिति: बिहीबार, असार २३, २०७३ ०९:३०
प्रतिक्रिया दिनुहोस्