विदेश
फ्रान्स । फ्रान्समा केबलकारको यात्रा गर्ने क्रममा १२ हजार फिट माथि उचाईमा फसेका एक १० बर्षिय बालकसहित ४५ जना यात्रुहरुको शुक्रबार विहान सकुशल उद्धार भएको छ ।
केबलकारमा फसेका ४५ जनाको रात परेपछि उद्दार कार्य रोकिएकाले उद्दार हुन सकेको थिएन । उनीहरुले एकरात केवलकारमा बिताउन परेको थियो । अन्य ६५ जनाको भने बिहीबार नै हेलिकोप्टरमार्फत उद्धार गरिएको थियो ।
केबलकारको तार बेरिएर अल्झिएपछि आल्प्स पहाडमा ११० जना यात्रु केबलकारमा अलपत्र परेका थिए । तीब्र गतिमा चलेको हावाका कारण केबलकारको तार आपसमा बेरिएकाले केबलकार बिचमै रोकिएको थियो । फ्रान्सको आन्तरिक मामिला मन्त्रालयले भनेको छ, “अल्प पर्वतको तीव्र हावाका कारण केबलकारको तार एक आपसमा अल्झिँदा केबलकार रोकियो, हामीले तत्काल उद्धार कार्य सुरु गर्यौं, तर कठिन मौसमका कारण १ सय १० यात्रुमध्ये ४५ जना यात्रुको भने उद्धार गर्न सकेनौं त्यसकारण उनीहरु रातभर केबलकारमा रात बिताउन बाध्य भए ।” ६५ यात्रुको भने हेलिकप्टरको प्रयोग गरी उद्धार गरिएको जनाएका छन् । उद्धारकार्यमा इटाली, फ्रान्स र स्विजरल्याण्डका उद्धारकर्मी लागि परेका थिए ।
प्रकाशित मिति: शुक्रबार, भदौ २४, २०७३ १९:४२
प्रतिक्रिया दिनुहोस्