चितवन । चितवनको इच्छाकामना गाउँपालिका वडा नं ६ जलवीरेमा रातको समयमा पिसाब फेर्न गएका एक यात्रुको लडेर मृत्यु भएको छ ।

ग१ख ४१५५ नम्बरको बसमा स्थानीयहरु लुम्बिनीमा पिकनिक खाएर फर्कने क्रममा सो घटना भएको हो । नारायणढ मुग्लिन सडकखण्डको जलवीरेमा गाडी रोकेर पिसाब फेर्न सडक छेउ पुगेका तनहुँ भानु नगरपालिका ३ का ५५ वर्षीय विष्णु जोशीको लडेर मृत्यु भएको जिल्ला प्रहरी कार्यालय चितवनले जनाएको छ ।

शनिबार राति १० बजे जोशी सडक छेउबाट लडेर भीरमा खसेका थिए । भीरको बीचमा अड्किएको अवस्थामा शव फेला परेको इलाका प्रहरी कार्यालय मुग्लिनले जनाएको छ । शवलाई राति नै निकालेको प्रहरीले जनाएको छ ।