काठमाडौं । फुल्चोकीमा हिउँ खेल्न गएका काठमाडौंका विद्यार्थी जोन तामाङ ७ दिनपछि फेला परेका छन् । थसिखेलस्थित अजय शिक्षा सदनमा अध्ययनरत कक्षा ५ र ६ का विद्यार्थी अघिल्लो बिहीबार फुल्चोकीमा हिउँ खेल्न गएका थिए ।

कक्षा ६ मा अध्ययनरत तामाङ हिउँ खेल्ने क्रममा फुल्चोकीबाटै बेपत्ता भएका थिए । ७ दिनपछि उनी बुधबार फुल्चोकीमै फेला परेको प्रहरीले जनाएको छ । फुल्चोकीको खोँचमा खसेर बेपत्ता भएका तामाङलाई प्रहरीले सकुशल उद्धार गरेको जनाएको छ । महानगरीय प्रहरी वृत्त सातदोबाटोका अनुसार प्रहरी र एम्बुलेन्सको टोली तामाङको उद्दारको लागि पुगेको जानकारी दिए ।

ललितपुर प्रहरी परिसरका एसएसपी गणेश ऐरले विद्यार्थी भेटिएको पुष्टि गर्दै ल्याउँदै गरिएको जानकारी दिए ।