देश
काठमाडौं । काठमाडौंको कलंकीमा जुवा खालमा छापा मारी जुवाडेलाई लखेटेर जुवा खालमा भएको रकम लैजाने प्रहरीका सई मदनबहादुर मल्ल र जवान मनोहर बुढा निलम्बनमा परेका छन् ।
महानगरीय प्रहरी वृत्त कालीमाटीको मातहतमा रहेका असई र जवानले जुवाडेलाई लखेटेर पैसा खाएको भेटिएपछि उनीहरुलाई निलम्बन गरेको काठमाडौं प्रहरी प्रमुख एसएसपी रविन्द्र धानुकले बताए । उनका अनुसार सोमबार कलंकीको सगुन होटलमा जुवा खालमा छापा हान्न गएका बेला जुवाडेलाई भगाएर त्यहाँ भएको रकम उनीहरुले उठाएर हिँडेका थिए ।
प्रहरी स्रोतका अनुसार जुवा खालबाट सई मल्लले ४ लाख ५० हजार लुटेका थिए भने प्रहरी जवान बुढाले १२ हजार नगद र मोबाइल लगेका थिए ।
प्रकाशित मिति: बुधबार, माघ १७, २०७४ १४:०३
प्रतिक्रिया दिनुहोस्