चितवन । चितवनको कालिका नगरपालिका–८, देवीटारमा बँदेल मारेको आरोपमा एक जना पक्राउ परेका छन् ।

आज बिहान बँदेलको मासु भाग लगाएर झोलामा लिएर हिँडेको अवस्थामा देवीटारकै ४१ वर्षीय चन्द्रबहादुर मगरलाई पक्राउ गरिएको हो ।

बँदेल मार्ने क्रममा संलग्न अन्यको वन कार्यालयका सुरक्षाकर्मीले खोजी कार्य जारी राखेको जिल्ला वन कार्यालय चितवनका सूचना अधिकारी कृष्णप्रसाद पौडेलले जानकारी दिए ।

बँदेल मार्ने क्रममा आठ जना संलग्न रहेको बताइएको छ । पक्राउ परेका मगरलाई अहिले सोधपुक्षका लागि वन कार्यालयको हिरासतमा राखिएको छ । उनी दोषी ठहरिएमा वन्यजन्तुसम्बन्धी ऐन २०२९ अनुसार ५० हजार रुपैयाँ जरिवाना र एक वर्षसम्म कैद वा दुवै सजाय हुने व्यवस्था रहेको वन कार्यालयले जनाएको छ ।