काठमाडौं । फेसबुकबाट चिनजान भएको साथीले होटलमा बोलाएर सामूहिक बलात्कार गरेको भन्दै एक युवतीले प्रहरीमा उजुरी दिएकी छिन् । गएको बिहीबार काठमाडौंको दरमार्गस्थित ल्याण्डमार्क होटलमा आफूलाई ४ युवाले बलात्कार गरेको भन्दै एक युवती उजुरी दिन दरबारमार्ग वृत्त पुगेकी थिइन् । तर, उजुरी गरेपछि उनी सम्पर्कमा नआएको प्रहरीले बताएको छ ।
उजुरीका बारेमा वृत्तका डीएसपीले पनि माथिल्लो निकायमा रिपोर्ट नगरेको र उक्त घटना बाहिर आएपछि डीएसपीसहित तीन जनालाई कारवाहीको दायरामा ल्याउने प्रहरीले तयारी गरेको छ । घटनाको छानबिन गर्न महानगरीय प्रहरी परिसर काठमाडौंले एसपी रामदत्त जोशीको संयोजकत्वमा तीन सदस्यीय समिति गठन गरेको छ ।
समितीका संयोजक जोशीका अनुसार फेसबुके चिनजानपछि ती युवती एक केटा साथीसँग उक्त होटलमा बस्न गएकी थिन् । उनैलाई बस्न बोलाउने युवाले अन्य तीनजनालाई पनि बोलाएर सामूहिक बलात्कार गरेको भन्दै पीडित युवतीले उजुरी दिएकी हुन् । “घटनाको अनुसन्धान हँुदैछ, पीडित सम्पर्कमा आएकी छैनन्,” एसपी जोशीले भने ।
