काठमाडौं । नेपाल प्रहरीको केन्द्रीय अनुसन्धान ब्युरोको टोलीले अवैध रूपमा चिकित्सा सेवा प्रदान गरेको भन्दै १७ जनालाई काठमाडौंबाट पक्राउ गरेको छ ।
काठमाडौंका विभिन्न ५ वटा क्लिनिकमा छापा मारेर उनीहरुलाई पक्राउ गरिएको थियो ।
१७ मध्ये धेरैजना विदेशी डाक्टर रहेका छन् । मेडिकल काउन्सिलबाट अनुमति नलिइकन काम गरेको भन्दै काउन्सिलको सहयोगमा प्रहरीले छापा मारेको केन्द्रीय अनुसन्धान ब्युरोका प्रवक्ता एसपी जीवन श्रेष्ठले जानकारी दिए ।
उनका अनुसार यस्ता क्लिनिक काठमाडौंमा अझै सञ्चालनमा रहेकाले छापा मार्ने क्रम जारी रहनेछ । केन्द्रीय अनुसन्धान ब्यूरोका प्रमुख डीआईजी पुष्कर कार्कीका अनुसार पक्राउ पर्नेमा चीन, अमेरिका र अष्ट्रेलियाका नागरिक पनि रहेका छन् । उनीहरुलाई एपोलो क्लिनिक, सिम्रिक अस्पताल लगायतबाट पक्राउ गरिएको हो ।