एजेन्सी

लण्डन । अमेरिकी दिदीबहिनी सेरेना विलियम्स र भेनस विलियम्स इंग्ल्यान्डमा जारी विम्बल्डन टेनिसको सेमिफाइनलमा प्रवेश गरेकी छन् ।

विश्व नम्बर एक समेत रहेकी सेरेनाले रुसकी अनास्तासिया पाब्लुचेन्कोवालाई पराजित गर्दै अन्तिम चारमा स्थान बनाएकी हुन् । २१ पटकको ग्राण्डस्लाम बिजेता सेरेनाले पाब्लुचेन्कोवालाई ६–४ र ६–४ को सेटमा पराजित गरिन  ।

यस्तै पाँच पटककी विजेता तथा आठौं वरियताकी भेनसले काजखस्तानकी यारोसलाभा श्भेडोभालाई हराएर अन्तिम चारमा स्थान पक्का गरिन । ३६ वर्षकी भेनसले श्भेडोभालाई ७–६ र ६–३ को सेटमा हराइन् ।

भेनसले सन् २००९ पछि पहिलो पटक विम्बल्डन टेनिसको अन्तिम चारमा स्थान बनाएकी हुन् । यस्तै भेनस पछिल्लो २२ वर्षमा सेमिफाइनलमा पुग्ने सबै भन्दा बढी उमेरकी खेलाडी समेत बनेकी छिन् ।