काठमाडौं । एमाले र माओवादी केन्द्रबीच पार्टी एकताको लागि भागभण्डा नमिलिरहेको बेलमा नयाँ शक्ति पार्टी नेपालका संयोजक एवं पूर्वप्रधानमन्त्री डा. बाबुराम भट्टराईले माओवादी केन्द्रका अध्यक्ष पुष्पकमल दाहाल ’प्रचण्ड’लाई बधाई दिएका छन् ।

सोमबार पार्टी कार्यलयमा भएको एक कार्यक्रममा माओवादी केन्द्रका अध्यक्ष ’प्रचण्ड’ले एमाले ‘माओवादी’को गुरु भएको बताएपछि आज डा. भट्टराईले व्यङ्गात्मक तरिकाले बधाई दिएका हुन् ।

समाजिक सञ्जाल ट्वीइटरमा संयोजक भट्टराईले लेखेका छन्, “प्रचण्ड उवाचः “हामीभन्दा पहिले एमाले नै उग्रपन्थमा थिए, हामी त पछिका उप्रपन्थ उहाँहरू (एमाले) त हाम्रा गुरु । पहिला उग्रवादी सिकाएर जानुभयो हामीलाई । सुधारवादी पनि उहाँहरु हामीभन्दा पहिलेका सुधारवादी । हामी पछिपछि आइयो ।’ (अन्नपूर्ण पोष्ट ) लौ, अध्यक्ष पद पक्का ! बधाई  ।”
 

प्रचण्ड उवाच-'हामीभन्दा पहिले एमाले नै उग्रपन्थमा थिए,हामी त पछिका उग्रपन्थ।उहाँहरू(एमाले)त हाम्रा गुरू।पहिला उग्रवादी सिकाएर जानुभयो हामीलाई।सुधारवादी पनि वहाँहरू हामीभन्दा पहिलेका सुधारवादी।हामी पछिपछि आइयो।'(अन्नपूर्ण पोष्ट) लौ,अध्यक्ष पद पक्का! वधाइ!!

— Baburam Bhattarai (@brb1954) January 23, 2018