काठमाडौं । ‘रानीपोखरी पुनर्निर्माण अध्ययन विशेषज्ञ समिति’ ले रानीपोखरी पुनर्निर्माणको प्रतिवेदन तयार गरेको छ ।
प्रतिवेदनले युनेस्कोजस्ता सम्पदा क्षेत्रमा सरोकार राख्ने अन्तर्राष्ट्रिय युनेस्कोजस्ता संस्थाले ‘अवरोध सिर्जना गर्ने गरेको’ बताएको छ । “प्राचिन शैली र स्वरुपको निरन्तरतालाई कायम राख्नुपर्छ भन्ने उद्देश्यले युनेस्कोजस्तो अन्तर्राष्ट्रिय संस्थाको गठन भएको र यसका मान्यताहरुलाई अनुशरण गर्दा विशेष परिस्थितिमा विकासोन्मुख राष्ट्रहरुमा आधुनिक शैलीको निर्माण कि रेट्रोफिटिङ गर्ने भन्ने सिद्धान्त रहेकाले विश्वसम्पदा क्षेत्र खतराको सूचीमा पर्ने गरेको पाइन्छ,” प्रतिवेदनमा भनिएको छ । रानीपोखरीलाई प्रताप मल्लकालीन शैली र स्वरुपमा पुनर्निर्माण गर्नुपर्ने अडान राखेपछि उपमेयर हरिप्रभा खड्गीसहित स्थानीय, सम्पदाप्रेमी र सम्पदाविदले रानीपोखरी पुनर्निर्माण स्थलमा ताला लगाएका थिए ।
“पोखरीको मौलिक स्वरुप र संवेदनशीलतालाई प्रतिकुल प्रभाव पर्ने गरी निर्माण भएका संरचना र कंक्रिट रिटेनिङ्गवालको संरचना हटाई परम्परागत स्वरुप बमोजिमको कार्यारम्भ गर्न,” प्रतिवेदनको निष्कर्ष छ ।