नेपाली राष्ट्रिय फुटबल टिमले बंगलादेशसँग अन्तराष्ट्रिय मैत्रीपूर्ण खेल खेल्ने भएको छ । 

 

नेपाली राष्ट्रिय टोलीले आगामी जुलाई १५ र १७ मा बंगलादेशसँग दुई मैत्रीपूर्ण खेल खेल्ने भएको हो । बंगलादेशसँग मैत्रीपूर्ण खेल खेल्ने मिति तय भएपनि खेल मैदान टुङ्गो लागेको छैन । तर एन्फाका अनुसार मैत्रीपूर्ण खेल बंगलादेश मै हुने बताएको छ ।

 

नेपाली टोलीले आगामी नोभेम्बरमा हुने एएफसी सोलिडारिटी कपको तयारी स्वरूप बंगलादेशसँग मैत्रीपूर्ण खेल खेल्न लागेको मंगलबार अखिल नेपाल फुटबल संघ (एन्फा) ले जनाएको छ । नेपाली टोलीलाई फिट र व्यस्त राख्ने एन्फाले बंगलादेशसँग मैत्रीपुर्ण खेल खेलाउन लागेको हो । नेपाली टोली पछिल्लो एक महिनाबाट अभ्यास गर्दै आएका छन् ।

एएफसी सोलिडारिटी कप आगामी नोभेम्बर २ देखि १५ सम्म हुने छ । तर, आयोजना हुने स्थानको अहिलेसम्म टुङ्गो लागेको छैन । एसियाका ६ राष्ट्र सम्मिलित एएफसी सोलिडारिती कपमा नेपाल सहित ब्रुनाई, मकाउ, मंगोलिया, पाकिस्तान र श्रीलंकाले सहभागिता जनाउनेछ । यसअघि एसियाली फुटबल महासंघले एएफसीले एएफसी च्यालेन्ज कपको सट्टा एएफसी सोलिडारिती कपको आयोजना गर्न लागेको हो । यसअघि नेपालले गत जेठमा लाओसको राष्ट्रिय टोलीसँग मैत्रीपूर्ण खेल खेलेको थियो । त्यसअघि नेपालले मलेसियाको यू – २२ टिमसँग खेलेको थियो । दुवै टोलीसँग नेपालले १ – १ गोलको बराबरी खेलेका थिए ।