काठमाडौं । नेपालले सामूहिक विनाशका हातहतियारको सधैँ विपक्षमा रहेको र त्यसप्रति आफ्नो पुरानो सैद्धान्तिक अडान दोहो¥याएको छ ।
रासायनिक हतियारसहित आम विनाशका हतियारविरुद्धका पक्षदेशको नेदरल्याण्ड्सको हेगमा जारी रासायनिक हातहतियार निषेधसम्बन्धी संगठनको २२ औँ सम्मेलनमा नेपालले आफू निःशस्त्रीकरणको पक्षमा रहेको अडान दोहो¥याएको हो ।
सम्मेलनमा नेपाली प्रतिनिधिमण्डलका नेता युरोपेली संघका लागि नेपालका राजदूत लोकबहादुर थापाले शान्ति र अहिंसाका अग्रदूत बुद्धको जन्मभूमि नेपाल विश्वका कुनै पनि मुलुक आमविनाशका हातहतियारको त्रासमा रहनु हुँदैन भन्नेमा दृढ छ भने ।
ब्रसेल्सस्थित नेपाली दूतावासका अनुसार उनले आम विनाशका हातहतियारको उत्पादन, विस्तार र सञ्चयको विपक्षमा नेपाल सधैँ रहेको बताए । साथै उनले कुनै पनि बाहनामा कसैले पनि सामूहिक विनाशका हातहतियारको प्रयोग गर्न नहुने नेपालको स्पष्ट धारणा व्यक्त गरे । रासस
