देश
सल्यानटार (धादिङ ) । मध्यपहाडी लोकमार्गअन्तर्गत धादिङको त्रिपुरासुन्दी गाउँपालिका सल्यानटारमा–२ मा मोटरसाइकल दुर्घटना हुँदा २ जनाको निधन भएको छ ।
मोटरसाइकल सडकबाट डेढसय मिटर तल खस्दा दुई जनाको मृत्यु भएको प्रहरीले जनाएको हो । मृत्यु हुनेमा स्थानीय भुवन पाण्डे र मित्र अधिकारी छन् ।
इलाका प्रहरी कार्यालय सल्यानटारका अनुसार बा ७९ प ७२७ मा सवार उनीहरूको घटनास्थलमै मृत्यु भएको हो ।
रातको समयमा अध्यारो र हुस्सुका कारण सडक नदेख्दा दुर्घटना भएको हुनसक्ने प्रहरीको प्रारम्भिक अनुमान छ ।
घटनाको विषयमा थप अनुसन्धान भइरहेको छ ।
प्रकाशित मिति: सोमबार, मंसिर ११, २०७४ ०९:३४
प्रतिक्रिया दिनुहोस्