काठमाडौं । नेपाल टेलिकमले ०१२३४५६, १२३४५६ जस्ता अपरिचित नम्बरबाट आएको कल नउठाउन उपभोक्तालाई आग्रह गरेको छ । टेलिकमले एसएमएस गरेर यस्तो आग्रह गरेको हो । 
केही महिनादेखि मोबाइल प्रयोगकर्तालाई यस्तो नम्बरबाट फोन गरी ठग्ने गरेकोले म्यासेज पठाएर खबरदारी गरिएको कम्पनीको भनाइ छ । अपरिचित नम्बरबाट मोबाइल प्रयोगकर्तालाई चिठ्ठा परेको भन्दै ठगेकोले टेलिकमले ग्राहकलाई सचेत गराउन म्यासेज पठाएको हो । टेलिकमले अपरिचित कल नउठाउन भन्दै शंकास्पद फोन आएमा १८८ मा उजुरी गर्न आग्रह गरेको छ ।