काठमाडौं । वामगठबन्धनको प्रमुख घटक नेकपा एमाले स्थायी कमिटी बैठक पार्टी उपाध्यक्ष वामदेव गौतमको निवास भैँसीपाटीमा बसिरहेको छ । निरन्तर बैठक बसेको भए पनि उमेदवार टुंग्याउन सकेको छैन ।

निर्वाचन क्षेत्र कार्यदलले मोटामोटी भागवन्डा तय गरेको भए पनि एमालेलाई आन्तरिक उमेदवारी टुंग्याउनै सकस परेको हो ।

उमेदवारी दर्ता गर्न ४ दिन बाँकी रहँदा एमाले आधा क्षेत्रमा पनि उमेदवारी छिनोफानो गर्न सकेको छैन । तल्लो कमिटीबाट सर्वसम्मतिमा सिफारिस भएर आएकासहित करिब ४० क्षेत्रमा उमेदवारी टुग्याएको एमालेले जानकारी दिएको छ । बाँकी आइतबार बेलुकीसम्म टुंगो लाग्ने नेताहरूले जानकारी दिएका छन् ।

निर्वाचन क्षेत्र बाँडफाँटमै सकस
तीनदिनभित्र निर्वाचन क्षेत्र बाँडफाँट गर्ने गरी कार्यदल बनाएको भए पनि गठबन्धनले क्षेत्र टुंग्याउन सकेको छैन । मंसिर १० गते सम्पन्न हुने पहिलो चरणको निर्वाचनको लागि प्रतिनिधिसभा तर्फ एमालेले २१ र माओवादी केन्द्रले १६ सिट भागवन्डामा मिलाएको थियो । दोस्रो चरणमा भने दोस्रो चरणको निर्वाचनमा एमालेलाई ७५ र माओवादी केन्द्रलाई ५०को हाराहारीमा बाँडफाँट गर्ने प्रारम्भिक सहमति जुटेको कार्यदलका एक सदस्यले जानकारी दिए ।

माओवादी केन्द्रका नेता मातृका यादवले शनिबारको बैठकले अधिकांश ठाउँहरुमा उमेदवारी टुङ्याएको र बाँकी ठाउँहरुमा आजसम्म टुङ्गो लाग्ने दाबी गरे । “एमाले र माओवादीका शीर्ष नेताहरुले हिजो प्रतिनिधिसभातर्फ ४७ जिल्लाका १ सय २७ सिट र प्रदेशसभातर्फ २ सय ५६ सिट बाँफाड टुङ्गाइसकिएको छ,” उनले बाह्रखरीसँग भने ।  बाँकी ठाउँहरुमा शीर्ष तहबाटै टुंगो लाग्ने उनको भनाइ थियो । उनले एमाले र माओवादीबीचको उमेदवारी विवादित ठाउँहरुमा पनि शीर्ष नेताहरु बसेर मिलाउने जानकारी दिए ।

यसअघि दुवै दलले एमालेलाई ६० र माओवादी केन्द्रलाई ४० सिट बाँडफाँट गर्ने निर्णय गरेका थिए ।

एमालेले टुंग्याएका उमेदवार

उमेदवारको नामथर    निवार्चन क्षेत्र
तेजमान कन्दङ्वा    तेह्रथुम    
झलनाथ खनाल    इलाम    १
सुवास नेम्वाङ    इलाम    २
केपी शर्मा ओली    झापा    ५
एलपी साँवा    झापा    ४
भानुभक्त ढकाल    मोरङ    ३
ऋषिकेश पोखरेल    मोरङ    २
लालबाबु पण्डित    मोरङ    ६
राजेन्द्र राई    धनकुटा    
मन्जु चौधरी    उदयपुर    १
जगन्नाथ खतिवडा     उदयपुर    २
गोकुल बास्कोटा    काभ्रे    २
महेश बस्नेत    भक्तपुर    २
माधवकुमार नेपाल    काठमाडौं २
कृष्ण राई    काठमाडौं     ३
राजन भट्टराई    काठमाडौं ४
ईश्वर पोखरेल    काठमाडौं ५
रामवीर मानन्धर    काठमाडौं ७
नवराज सिलवाल    ललितपुर    १
सुरेन्द्र पाण्डे    चितवन    १
कृष्णलाल महर्जन    ललितपुर     २
कृष्णभक्त पोखरेल     चितवन    २
किसान श्रेष्ठ    तनहुँ    १
केदार सिग्देल     तनहुँ     २
खगराज अधिकारी    कास्की    १
रवीन्द्र अधिकारी    कास्की     २
पदमा अर्याल     स्याङ्जा     २
तिलक महत    नवलपुर    २
हृदयेश त्रिपाठी    परासी    १
बिष्णु पौडेल    रुपन्देही    २
बृजेशकुमार गुप्ता    कपिलवस्तु    २
दलवहादुर राना    पाल्पा     १
प्रदीप ज्ञवाली    गुल्मी     १
गोकर्ण विष्ट    गुल्मी     २
मेटमणि चौधरी    दाङ    १
पशुपतिदयाल मिश्र      बाँके     २
बामदेव गौतम     बर्दिया    १
धु्रवकुमार शाही     सुर्खेत     १
भीम रावल     अछाम     १
गरिमा शाह     कैलाली     १
झपट रावल     कैलाली    २
नारदमुनि राना      कैलाली    ५
प्रेम आले मगर     डोटी