काठमाडौं । सेन्टर फर मिडिया रिसर्च र एफईएस नेपालले संयुक्त रुपमा सोसल मिडिया, युवा र राजनीतिक सहभागितात्मक खुला विमर्श कार्यक्रममा आयोजना गरेका छन् ।
राजधानीमा आइतबार आयोजित कार्यक्रममा युवा नेताहरु सोसल मिडियामा कसरी सहभागी भइरहेका छन्, समाचारले सोासल मिडियाका तथ्यलाई कसरी प्रयोग गरिरहेका छन् र सो को प्रयोग तथा उपयोगिता कस्तो भइरहेको छ भन्नेबारे छलफल भएको थियो ।
कार्यक्रममा राष्ट्रि जनता पार्टी (राजपा)का नेता सुरेश मण्डलले प्यानल छलफलको क्रममा सोधिएको एक प्रश्नमा अध्यक्ष महन्थ ठाकुरको फेसबुक एकाउन्ट भए पनि उनी स्वयंले नचलाउने तर अपडेट भइरहने बताए । उनले अध्यक्षको तर्फबाट अरुले नै फेसबुक र सोसल मिडिया सम्हालिरहेको जानकारी दिए ।
प्यानल छलफलमा नेविसंघका सागर परियार, विवेकशिल साझा पार्टीका मिलन पाण्डे, अनेरास्वियु अध्यक्ष नविना लामा, जीवन बानियाँलगायत युवा नेताहरु सहभागी थिए । कार्यक्रममा उज्जवल आचार्य र विष्णु पोखरेलले कार्यपत्र प्रस्तुत गरेका थिए ।
