राजनीति
दार्चुला । आगामी मंसिर १० गते हुने प्रतिनिधि सभा र प्रदेश सभा निर्वाचनमा मतदानका लागि जिल्लाभरी ११० मतदानस्थल र १२९ मतदान केन्द्र कायम गरिएको छ ।
जिल्ला निर्वाचन कार्यालयका अनुसार पछिल्लो पटक मालिकार्जुन मावि आगरमा एउटा मतदान केन्द्र थपिएसँगै मतदान केन्द्रको संख्या १२९ पुगेको हो । एकहजार ६४ भन्दा बढी मतदाता भएको स्थलमा दुईवटा मतदान केन्द्र कायम हुने मापदण्डअनुसार मतदान केन्द्र थप भएको हो ।
कायम गरिएका मतदान केन्द्र अधिकांश विद्यालय भवनमा रहेका छन् । महाकाली नगरपालिकाका दुईवटा मतदानस्थल बाहेक सबै मतदानस्थल विद्यालयमा कायम गरिएका जिल्ला निर्वाचन अधिकारी तुलसीराम पाण्डेले जानकारी दिए । रासस
प्रकाशित मिति: शनिबार, कात्तिक ११, २०७४ १४:५४
प्रतिक्रिया दिनुहोस्