काठमाडौं । नेपाली कांग्रेसका नेता रमेश लेखकले नेपालका सम्पूर्ण दल तालमेल र एकता गरेपनि कांग्रेस एक्लै लड्न तयार रहेको बताएका छन् । 

नेपाली कांग्रेस भक्तपुरले शुक्रवार बिहान आयोजना गरेको दिपावली, छठ पर्व र नेपाल सम्वतको अवसरमा आयोजना गरेको शुभकामना आदान प्रदान तथा ुजय नेपाल भक्तपुरु नामक पुस्तकको बिमोचन समारोहमा नेता लेखकले कांग्रेस एक्लै चुनावमा जान तयार रहेको बताएका हुन् । 

प्रतिपक्षी नेकपा एमाले र सत्ता साझेदार नेकपा माओवादी केन्द्रले सत्ता कब्जा गर्ने रणनीति अनुरुप तालमेल र पार्टी एकताको नाटक गरेको उनले आरोप लगाए । 

 ुुराणा, पञ्चायत, राजतन्त्र, एमाले र बिद्रोही माओवादीसंग एक्लै लडेको कांग्रेस सत्ता स्वार्थका लागि गरिएको तालमेलबाट आत्तिएको छैन । नेता लेखकले भने । बिपक्षीसंग गठबन्धन जोडेर सरकारबाट नबाहिरिएर माओवादीले निर्लज्जता प्रस्तुत गरेको उनको भनाइ थियो ।
 ुुसहकार्य तोडेर सरकारबाट नबाहिरिनु र विना बिभागिय भएर पनि निर्लज्ज तरिकाले सरकारमा बसिरहनु भनेको सत्ता कब्जाको उदाहरण हो । नेता लेखकले भने । 

तस्बिरः नेता लेखकका सहयोगी जनक भट्टको फेशबुकबाट