काठमाडौं । गैर आवासीय नेपाली संघ (एनआरएनए)को अध्यक्षमा भवन भट्ट विजयी भएका छन् ।

काठमाडौंमा भएको आठौं महाधिवेशनले भट्टलाई अध्यक्षमा निर्वाचित गरेको हो । उनले प्रतिष्पर्धी जमुना घले गुरुङलाई भारी मतले पराजित गरेका हुन् । भट्टले ११९७ मत प्राप्त गर्दा गुरुङले ५८४ मत प्राप्त गरेकी थिइन् ।

कुल १८५४ मतदातामध्ये १७८८ मत खसेको थियो ।

त्यसैगरी उपाध्यक्षमा कुमार प्रसाद पन्त र कुल आचार्य विजयी भएका छन् । महासचिवमा डा. बद्री केसी, सचिवमा डम्बरबहादुर क्षत्री र जानकी गुरुङ, कोषाध्इक्षमा हिक्मतबहादुर थापा विजयी भएका छन् ।

महिला उपाध्यक्षमा सकिला राजभण्डारी विजयी भएकी छन् ।  भट्टले एनआरएनएलाई सबैको बनाउने प्रतिवद्धता पनि जनाए । निर्वाचित भएपछि उनले यस्तो प्रतिवद्धता जनाएका हुन् ।

“यसलाई मैले अध्याय २ भनेको छु,” भट्टले भने, “अबको अध्याय भनेको सबै एनआरएनएलाई एक बनाउने हो । म त्यसमै लाग्छु । यो अभियानमा सबैलाई एक बनाउँछु ।”