काठमाडौं । गैरआवासीय नेपाली संघ ९एनआरएनए० को आठौं विश्व सम्मेलनका अध्यक्षका उमेदवार एवम् बर्तमान उपाध्यक्ष भबन भट्टले अध्यक्षको लागि आजमात्रै उमेदवारी घोषणा गरेकी जमुना गुरुङलाई चुनावी प्रतिष्पर्धामा उत्रिएकोमा स्वागत गरेका छन् ।
बिहीबार रिपोर्टर्स क्लब नेपालले आयोजना गरेको विशेष साक्षात्कारमा बोल्दै भट्टले यस्तो बताएका हुन् । उनले भने,‘जमुना भाउजुले आज उमेदवारी घोषणा गर्नुभयो, यसलाई मैले स्वभाविक देख्दिन्, तर पनि लोकतन्त्रको सुन्दर पक्ष भनेको नै चुनाव हो, उहाँ आउनुभयो अब चुनावी मैदानमा उहाँलाई स्वागत छ ।’ यद्यपी उनले सम्पूर्ण गैरआवासीय नेपालीहरुको समस्या, पीर, मर्काहरु बुझेको र अन्र्तराष्ट्रिय कोर्डिनेशन कमिटीमा बसेर काम गरेको मान्छे नेतृत्वको लागि उपर्युक्त हुने बताए ।
भट्टले अध्यक्षका अर्का प्रत्यासी गुरुङ मुलुकले नै गर्व गर्न लायक व्यक्तित्व भएको भन्दै अहिले नै संस्थाको अध्यक्षमा आउन खोज्नु हतार भएको गुनासो पोखे । यद्यपी गुरुङ्ले आफूमा कन्फिडेन्स देखेर नै चुनावी मैदानमा आएकोले आफूले त्यसलाई सहर्ष स्विकार गर्ने उनको भनाई थियो ।
भट्टले आफ्नो जीतको पहिलो आधार नै सम्पूर्ण एनआरएनए साथीहरु भएको विश्वास दिलाए ।
उनले भने,‘म त लगभग साझा उमेदवारको रुपमा उभिएको छु, हुन त यो बीचमा सर्वसम्मतीले नेतृत्व चयन हुने भयो भनेर साथीहरु खुशी हुनुभएको थियो, तर जमुना भाउजुले अन्तिम समयमा आएर उमेदवारी दिनुभयो, यो म स्वभाविक देख्दिन् ।’
उनले आफूलाई संस्थाका संस्थपक अध्यक्षद्धय डा। उपेन्द्र महतो, जीवा लाछिाने र हालका अध्यक्ष डा। शेष घलेको पनि पूर्ण साथ र सहयोग रहेको विश्वास दिलाए ।
उनले यसअघि एनआरएन जापानको अध्यक्ष तथा एनआरएन अन्तर्राष्ट्रिय समन्वय परिषदको कोषाध्यक्षका रुपमा बसी कार्यसम्पादन गरिसकेका कारण अध्यक्षमा पनि आफु सफल हुने विश्वास दिलाए ।
भट्टले वर्तमान नेतृत्वले अघि बढाएको लाप्राक नमुना वस्ती निर्माणलाई समयमै सक्ने गरी काम गरिने पनि प्रतिबद्धता जनाए । भट्टले वर्तमान नेतृत्वले अघि सारेको एनआरएनको भिजन ट्वान्टी–ट्वान्टी एण्ड वियोन्ड, सामुहिक लगानीका परियोजना निर्माण लगायतका कार्यक्रमलाई निरन्तरता दिने विश्वास दिलाए ।