काठमाडौं । नेपाली कथानक चलचित्र ‘सकुन्तला’ एक्सन, ड्रामा, सोसल ड्रामा र महिला अधिकारका विषयमा केन्द्रित रहेको निर्माण पक्षले जनाएको छ । बाँकी विषय र त्यसको प्रस्तुती थाहा पाउन भने भदौ ९ गतेसम्म कुर्नु पर्ने ‘सकुन्तला’का निर्देशक दिनेश श्रेष्ठले बताए । 

‘सकुन्तला’को प्रिमिएर गर्ने सोच अहिलेसम्म नबनाएको श्रेष्ठले बताए ।

‘सकुन्ताला’मा राजेश हमाल फरक गेटअपमा देखिएका छन् । साडी चोलो लगाएर तेस्रोलिंगीको भेषमा प्रस्तुत हुने रोजेश ट्रेलरमा महिला अधिकारका विषयमा खरो उत्रिएका देखिन्छन् । 

रोजश तेस्रोलिंगीको गेटअपमा देखिए पनि चलचित्रमा उनी तेस्रोलिंगी  चरित्रमा छन् या छैनन् त्यो भने अहिलेसम्म निर्माण पक्षले स्पष्ट पारिसकेको छैन । राजेशको चरित्र तेस्रोलिंगीको छ या छैन त्यो भने थाहा पाउन सिनेमा नै हेर्नु पर्ने निर्माण पक्षले बताउँदै आएको छ ।

“म अहिले यो सस्पेन्स खोल्दिन । मेरो चलचित्रको मुख्य पक्ष भनेको नै यही हो,” श्रेष्ठले भने,“राजेश दाईको भूमिका तेस्रोलिंगी कै हो या गेटअप मात्रै हो त्यो भदौ ९ गते हलमा नै थाहा हुनेछ ।”

श्रेष्ठको चलचित्र ‘सकुन्तला’मा राजेशसँगै किशोर खतिवडा, रविन्द्र बस्नेत, स्मृति श्रेष्ठ, अनु शाह, रवी गिरी, प्रदिप ढकाल, राजकुमार थापा, शिब श्रेष्ठ मुख्य भूमिकामा छन् । 

ट्रेलरमा चलचित्र भदौ १० गते रिलिज हुने भनिए पनि ९ गते बिदा परेकाले एक दिन अगाडि ९ गते नै रिलिज गर्ने तयारी गरिएको निर्देशक श्रेष्ठले जानकारी दिए ।