काठमाडौं । प्रधानमन्त्री शेरबहादुर देउवाले आफ्नै रेकर्ड तोडेर आज फेरि मन्त्रिपरिषद् विस्तार गरेका छन् ।
उनी नेतृत्वको सरकारमा राप्रपाबाट फुटेर बनेको राप्रपा प्रजातान्त्रिकका ३ मन्त्रीले सपथ ग्रहण गरेका छन् भने केहीबेरपछि १ राज्यमन्त्री पनि थप हुनेछन् ।
राप्रपा प्रजातान्त्रिकबाट सोमबार विज्ञान तथा प्रविधि मन्त्रीमा दिपक बोहोरा, उद्योग मन्त्रीमा सुनिल थापा र विक्रम पाण्डेले वन मन्त्रीको रुपमा सपथ ग्रहण गरेका छन् ।

राप्रपा प्रजातान्त्रिकबाटै रेशम लामाले उद्योग राज्यमन्त्रीको सपथ लिनेछन् । ४ जना थपिएपछि देउवा नेतृत्वको सरकार ५४ सदस्यीय भएको छ ।