काठमाडौं । पूर्व सञ्चारकर्मी रवि लामिछाने नेतृत्वको राष्ट्रिय स्वतन्त्र पार्टी निर्वाचन आयोगमा दर्ता भएको छ ।

पार्टीको छोटकरी नाम रास्वपा रहेको छ । चुनाव चिह्न भने गोलाकारभित्रको घण्टी पाएको छ ।

"हाम्रो पार्टी औपचारिक रूपमा दर्ता भएको छ । हामीले प्रमाणपत्र पायौँ । एकदम खुसी छौँ । राष्ट्रिय स्वतन्त्र पार्टी नाममा दल दर्ता भएको छ," पार्टी सभापति लामिछानेले भने । 

नेपालको संविधानसहित प्रचलित कानुनअनुसार आफूहरूलाई आयोगले मान्यता दिएको पार्टीले जनाएको छ ।

अब पार्टीको संगठन विस्तारमा केन्द्रित हुने लामिछानेले बताए ।