काठमाडौं । नेपालमा थप २७ जनामा कोरोना संक्रमण पुष्टि भएको छ ।
पछिल्लो २४ घण्टामा एक हजार ८०२ वटा स्वाब नमुनाको परीक्षण गरिएकामा २७ जनाको नतिजा पोजिटिभ आएको हो । ९३७ नमुनाको पीसीआर परीक्षण गर्दा २३ र ८६५ नमुनाको एन्टिजेन विधिबाट परीक्षण गर्दा चारजनामा संक्रमण देखिएको हो ।
यो अवधिमा काठमाडौं उपत्यकामा मात्र १९ संक्रमित थपिएका छन् । काठमाडौंमा १३, भक्तपुरमा एक र ललितपुरमा पाँच संक्रमित थपिएका हुन् ।
पछिल्लो २४ घण्टामा कोरोनाका कारण देशभर कसैको पनि मृत्यु पुष्टि भएको छैन । हालसम्म नेपालमा कोरोनाका कारण ११ हजार ९५२ जनाको मृत्यु भएको छ ।
पछिल्लो २४ घण्टामा देशभर १६ जना निको भएका छन् । योसँगै नेपालमा कोरोनामुक्त हुनेको संख्या नौ लाख ६७ हजार ३७२ पुगेको छ ।
हाल देशभर कोरोनाका सक्रिय संक्रमितको संख्या १८८ रहेको स्वास्थ्य तथा जनसंख्या मन्त्रालयले शनिबार जनाएको छ ।