टोक्यो । जापानमा एकजना कर्मचारीले ‘मेमोरी स्टिक’ हराएपछि मेयरले माफी मागेका छन् । 

ती कर्मचारीले कार्यालयको काम सकेपछि साँझ साथीभाइसँग रेस्टुरेन्टमा रमाइलो गर्ने क्रममा झण्डै पाँच लाख मानिसको निजी विवरण रहको एउटा मेमोरी स्टिक हराएको थिए । यो घटनाले जापानमा तहल्का मच्चिएको छ । 

कडा परिश्रमपछि सप्ताहन्तमा साथीहरुसँग बसेर मदिरा पिउने क्रममा उनले मेमोरी स्टिक हराएका हुन् । जापानमा यसरी रमाइलो गर्ने चलनै छ ।

जापानको सरकारी प्रसारण निकाय एनएचकेका अनुसार अन्दाजी चालिस वर्षीय ती व्यक्ति कर छुट दिइएका परिवारहरूलाई फाइदा उपलब्ध गराउने एउटा कम्पनीमा कार्यरत छन् । 

उनले हराउनुअघि स्थानीयवासीका निजी सूचना सो ड्राइभमा सारेका थिए । नगर अधिकारीहरूले त्यसमा सम्पूर्ण बासिन्दाको नाम, जन्म मिति र ठेगाना रहेको बताएका छन् । यसमा करको विवरण, बैंक खाता नम्बर तथा सामाजिक सुरक्षा पाइरहेका परिवारका सूचना पनि संकलन गरिएको थियो । 

यी तथ्यांक राखिएको उक्त ड्राइभ इन्क्रिप्ट गरी पासवर्ड राखेर लक गरिएको छ । नगर अधिकारीहरूले अहिले सम्म कसैले पनि त्यसभित्रको सूचना पाउने प्रयास गरेको नदेखिएको बताएका छन् । 

यस घटनालाई लिएर नगरका मेयर तथा अन्य नेताहरूले पत्रकार सम्मेलन गरी स्थानीयवासीसँग माफी मागेका हुन् । 

बीबीसीबाट ।