साहित्य
काठमाडौं । बिहीबारबाट देशभर एकै साथ प्रदर्शनमा आएको नेपाली कथानक चलचित्र ‘चपली हाइट–२’ दर्शकले चलचित्र मन पराएको निर्माण पक्षले बताएको छ ।
“अधिकांश हलहरु हाउसफुल भए । चलचित्र दर्शकले मन पराइदिनु भयो,” निर्माता अर्जुनकुमारले भने,“शुक्रबारबाट मात्रै चलचित्र चल्छ भन्ने थियो । त्यसैले भोलीबाट हल पुग्ने दर्शकको संख्या झनै बढ्नेछ ।”
गोपीकृष्ण र अष्टनारायणमा भने हाउसफुल नभएको भन्दै उनले भने, “बिहीबारबाटै चलचित्र लाग्छ भन्ने सूचना नभएका कारण दुई वटामा मात्रै कम गएको हो भोलीबाट ति हल पनि हाउसफुल हुन्छन् ।”
अर्जुनकुमारले निर्माण गरेको चलचित्रलाई दिपेन्द्र के खनालले निर्देशन गरेका हुन् । रोमान्टिक थ्रिलर चलचित्र ‘चपली हाइट–२’ बारे निर्देश खनालले भने “चलचित्र युवाको कथामा बनेकोछ । अहिलेका युवाको छुट्टै खालको सोच छ, जिवनशैली छ । त्यो सोच र जीवनशैलीले उसलाई कहाँ पुर्याउँछ भन्ने देखाउन खोजिएको छ । माया, पिरती, धोका सबै छ यसमा ।”
प्रकाशित मिति: बिहीबार, भदौ २, २०७३ १७:४९
प्रतिक्रिया दिनुहोस्