बुटवल । रुपन्देहीको बुटवल उपमहानगरपालिकाका नवनिर्वाचित जनप्रतिनिधिहरूले पदस्थापन गरेका छन् । एक कार्यक्रमका बीच सोमबार नवनिर्वाचित नगरप्रमुख खेलराज पाण्डेय, उपप्रमुख सावित्रादेवी अर्याल तथा १९ वडाका अध्यक्ष तथा सदस्यहरूले पदभार ग्रहण गरेका हुन् ।
सोमबार बिहानै शपथग्रहण गरेका नगरप्रमुख पाण्डेले उपप्रमुखसहित जनप्रतिनिधिहरूलाई शपथग्रहण समेत गराएका थिए ।
निवर्तमान नगरप्रमुख शिवराज सुवेदी र निवर्तमान उपप्रमुख गुमादेवी आचार्यले नवनिर्वाचित मेयर पाण्डे र उपप्रमुख अर्याललाई पदस्थापन गरिएको हो । पदभार ग्रहण गर्दै नवनिर्वाचित प्रमुख पाण्डेले पहिलो निर्णय नै सुकुम्बासी समस्या समाधान गर्ने गरेका छन् । पदभार ग्रहण गर्दै पहिलो निर्णय नै सुकुम्बासी तथा अव्यवस्थित बसोबासीको समस्या समाधान गर्ने निर्णयमा हस्ताक्षर गरेका हुन् ।
बुटवल क्षेत्रका सुकुम्बासी भूमिहीनहरूलाई जग्गा उपलब्ध गराउन अव्यवस्थित बसोबासी,सुकुम्बासीहरुको अल्पकालीन र दीर्घकालीन व्यवस्थापन गर्नका लागि बसोबास गरेकालाई बसोबास प्रमाणित निस्सा उपलब्ध गराउने, नाप तथा नक्सान्कनको काम गर्ने निर्णय गरेका हुन् ।