काठमाडौं । नेपाली कथानक चलचित्र ‘चपली हाइट–२’ बिहीबारबाट देशभर एकै साथ प्रदर्शनमा आउने भएको छ । यसअघि काठमाडौं भित्र भदौ तीन र काठमाडौं बाहिर दुई गतेका लागि रिलिज डेट लिइएको थियो । 

“विशेष कारणबस चलचित्र एकै दिन रिलिज हुने भएको छ,” ‘चपली हाइट–२’ का निर्माता अर्जुन कुमारले भने,“अब एकै दिन भदौ दुई गतेबाट देशभरका चलचित्र दर्शकले हुने पाउनु हुने छ ।”

अर्जुनकुमारले निर्माण गरेको चलचित्रलाई दिपेन्द्र के खनालले निर्देशन गरेका छन् । रोमान्टिक थ्रिलर भनिएको चलचित्र ‘चपली हाइट–२’ बारे निर्देश खनाल भन्छन्,“चलचित्र युवाको कथा छ यसमा । अहिलेका युवाको छुट्टै खालको सोच छ, जिवनशैली छ । त्यो सोच र जीवनशैलीले उसलाई कहाँ पुर्याउँछ भन्ने देखाउन खोजिएको छ । माया, पिरती, धोका सबै छ यसमा । मुभी सस्पेन्स छ ।”